ახალი ამბები

ტერიტორიაზე, რომელიც გორის მერიამ ეპარქიას 99 წლით გადასცა, თავშესაფარი შენდება

გორის მუნიციპალიტეტის მერიამ ეპარქიას თამარ მეფის N108-ში,  9 728 კვადრატული მეტრი, თითქმის ერთი ჰექტარი ფართობის მქონე ტერიტორია აღნაგობის უფლებით, 99 წლით გადასცა.

“ეს ის ტერიტორიაა, სადაც მიმდინარე წლის 8 ივლისს, საფუძველი ჩაეყარა წმინდა სოფიოს, აღაპისა, პისტის და ელპიდის სახელობის დედათა თავშესაფრის მშენებლობას, რომელსაც უნგრეთის საელჩო აფინანსებს” , – განმარტავენ გორის მერიაში.

საჯარო რეესტრის მონაცემებით, აღნიშნულ ტერიტორიაზე 8 სხვადასხვა შენობაა განთავსებული, რომლიდანაც ერთი უკვე ამორტიზებულია. 9 728 კვადრატული მეტრიდან, თავშესაფარი სულ 109.1 კვადრატულს დაიკავებს.

დატოვეთ კომენტარი

ავტორის შესახებ

გიორგი დვალიშვილი

გიორგი დვალიშვილი არის გორის სათემო რადიო "მოზაიკას" საინფორმაციო სამსახურის ხელმძღვანელი 2022 წლიდან. 2019-2021 წლებში კი, მუშაობდა ჟურნალისტად.