ახალი ამბები

ხიდისთავში, წყაროს წყალში ნაწლავის ჩხირის ბაქტერიები აღმოაჩინეს

გორის მუნიციპალიტეტის სოფელ ხიდისთავში, სურსათის ეროვნულმა სააგენტომ წყლის ხარისხი შეამოწმა. საერთო მოხმარების ონკანიდან აღებულ წყლის ნიმუშში ნაწლავის ჩხირის ბაქტერიები აღმოჩნდა.

​”ჩინეთის უბანში მდებარე საერთო მოხმარების ონკანიდან იქნა აღებული ნიმუში” , – განმარტავენ სააგენტოში.

როგორც ცნობილია, ნიმუში სოფლის მეურნეობის სახელმწიფო ლაბორატორიაში გაიგზავნა. კვლევის შემდეგ, წყალში კოლიფორმების არსებობა დადასტურდა.

სპეციალისტების განმარტებით, კოლიფორმები არის ნაწლავის ჩხირის ჯგუფის და აერთიანებს მიკროორგანიზმების 100-მდე სახეობას, რომლებიც წარმოადგენენ ადამიანის, ცხოველებისა და ფრინველების ნაწლავის ნორმალური მიკროფლორის შემადგენელ ნაწილს.

ადამიანის ან ცხოველის ორგანიზმის გარეთ კოლიბაქტერიები ძირითადად ფეკალურ მასებში არსებობენ.

დატოვეთ კომენტარი

ავტორის შესახებ

გიორგი დვალიშვილი

გიორგი დვალიშვილი არის გორის სათემო რადიო "მოზაიკას" ჟურნალისტი 2019 წლიდან.