ახალი ამბები

გორში 22გ მარიხუანას შენახვისთვის ბიჭს საზოგადოებისთვის სასარგებლო შრომა მიესაჯა

გორის მუნიციპალიტეტის სოფელ თორტიზაში დააკავეს ბიჭი, რომელიც 22.306 გრამ გამომშრალ მარიხუანას ინახავდა.

პოლიციამ ნარკოტიკული საშუალება საცხოვრებელი სახლის ჩხრეკისას დილის 07:45 საათზე ამოიღო. 

“იმის გათვალისწინებით, რომ ბრალდებული აღიარებს დანაშაულს, სადავოდ არ ხდის ბრალდების მხარის მიერ წარდგენილ მტკიცებულებებს და ნებაყოფლობით უარს ამბობს სასამართლოს მიერ საქმის არსებითი განხილვის უფლებაზე, სასამართლოს მიაჩნია, რომ უშუალოდ და ზეპირად გამოკვლევის გარეშე მიღებული მტკიცებულებები საკმარისია ბრალდებულ გ.რ-ს დამნაშავედ ცნობისა და მის მიმართ საქმის არსებითი განხილვის გარეშე გამამტყუნებელი განაჩენის გამოტანისთვის” , – აღნიშნა მოსამართლე ლევან დარბაიძემ.

ბრალდებულს სასჯელის სახედ განესაზღვრა საზოგადოებისთვის სასარგებლო შრომა 180 საათის ვადით.

დატოვეთ კომენტარი

ავტორის შესახებ

გიორგი დვალიშვილი

გიორგი დვალიშვილი არის გორის სათემო რადიო "მოზაიკას" საინფორმაციო სამსახურის ხელმძღვანელი 2022 წლიდან. 2019-2021 წლებში კი, მუშაობდა ჟურნალისტად.