ახალი ამბები

ცესკო: გორში გახარიას პარტიის 2-მა წევრმა მოხსნა კანდიდატურა

ცენტრალური საარჩევნო კომისიის ცნობით, გორში ყოფილი პრემიერის გიორგი გახარიას პარტიის “საქართველოსთვის” 2-მა წევრმა მოხსნა არჩევნებზე კანდიდატურა.

სოფიო ფილიშვილი და ნინო ქარელიშვილი  პროპორციული სიის 26-ე და 28-ე ნომრები იყვნენ, თუმცა როგორც პარტიაში განმარტავენ მათზე მმართველი გუნდის მხრიდან ზეწოლა მოხდა, რის გამოც ისინი იძულებულები გახდნენ მოეხსნათ კანდიდატურა.

“ერთ-ერთის მეუღლე საჯარო სამსახურშია დასაქმებული და ეს გამოიყენეს მუქარისთვის, ხოლო მეორეს მცირე ბიზნესი აქვს და უთხრეს, რომ დაუხურავდნენ, სწორედ ამიტომ მათ მოხსნეს კანდიდატურა” , – განმარტავს პარტიის ერთ-ერთი წევრი მამუკა ფანიაშვილი.

აღსანიშნავია, რომ სამსახურიდან გაათავისუფლეს პარტიის “საქართველოსთვის” 2 წევრი. ჯერ ოლეგ ხუბულური გაათავისუფლეს გორის მერიიდან, შემდეგ კი, გია წვერავა მოხსნეს თეატრის დირექტორის თანამდებობიდან.

დატოვეთ კომენტარი

ავტორის შესახებ

გიორგი დვალიშვილი

გიორგი დვალიშვილი არის გორის სათემო რადიო "მოზაიკას" საინფორმაციო სამსახურის ხელმძღვანელი 2022 წლიდან. 2019-2021 წლებში კი, მუშაობდა ჟურნალისტად.