ახალი ამბები

შავშვების ამბულატორიაში იმუნიზაციის პროცესი მიმდინარეობს

გორის მუნიციპალიტეტის სოფელ შავშვების ამბულატრიაში ადგილობრივების აცრა მიმდინარეობს, რომელიც სინოფარმის და სინოვაკის COVID-19- ის საწინააღმდეგო ვაქცინაცით ხორციელდება.

გარდა შავშვებისა, ამბულატორია მეზობელ სოფლებსაც ემსახურება და აცრის მსურველ პირებს წინასწარი ჯავშნის გარეშე შეუძლიათ ვაქცინაცია.

იმუნიზაციის პროცესს შიდა ქართლში სახელმწიფო რწმუნებულის მოადგილე სიმონ გულედანი და გორის მუნიციპალიტეტის საზოგადოებრივი ჯანდაცვის ცენტრის დირექტორი მარიამ გიუნაშვილი დაესწრნენ.

“რწმუნებულის მოადგილის თქმით, შიდა ქართლში აქტიურად გრძელდება ვაქცინაციის პროცესი. ,,ჩვენს რეგიონში 9 ლოკაციაზეა ვაქცინაციის ჩატარება შესაძლებელი და გარდა ამისა, სოფლების მოსახლეობას მობილური ჯგუფების საშუალებით ადგილზევე შეუძლიათ აიცრან. პანდემიის დამარცხების მიზნით მნიშვნელოვანია, მოსახელობამ მაქსიმალურად იაქტიუროს და დროულად აიცრან “, – განაცხადა სიმონ გულედანმა.

დატოვეთ კომენტარი

ავტორის შესახებ

ხატია მუმლაძე

ხატია მუმლაძე არის გორის სათემო რადიო "მოზაიკას" ჟურნალისტი 2018 წლიდან.