ახალი ამბები

შენიშვნა – გორის სასამართლოს „სასჯელი”  ავარიული სიტუაციების შექმნისთვის

გორში პოლიციამ ადმინისტრაციული წესით დააკავა პირი, რომელიც მანქანით ნასვამი გადაადგილდებოდა და ქალაქში ავარიულ სიტუაციებს ქმნიდა.

“ნასვამი ა.ზ გორში მოძრაობდა ავტომანქანით; იგი ქმნიდა ავარიულ სიტუაციებს, რა დროსაც არ დაემორჩილა პოლიციის არაერთგზის მოთხოვნას, შეეწყვიტა ამგვარი ქმედება (მოწოდება განხორციელდა პოლიციის რუპორით); პოლიციის თანამშრომლებს მიაყენა სიტყვიერი შეურაცხყოფა” , – ირკვევა საქმის მასალებიდან.

საქმე მოსამართლე დავით პაპუაშვილმა განიხილა და დაკავებული სასამართლო დარბაზიდან სიტყვიერი შენიშვნის მიცემის შემდეგ გაათავისუფლა, რადგან როგორც საქმის მასალებში წერია მან “აღიარა ადმინისტრაციული გადაცდომის ჩადენა და ითხოვა პატიება”.

დატოვეთ კომენტარი
ტეგები

ავტორის შესახებ

გიორგი დვალიშვილი

გიორგი დვალიშვილი არის გორის სათემო რადიო "მოზაიკას" ჟურნალისტი 2019 წლიდან.