ახალი ამბები

ვლადიმერ ხინჩეგაშვილმა სპორტსმენთა ასოციაციის პრეზიდენტის თანამდებობა დატოვა

გორის მუნიციპალიტეტის მერმა ვლადიმერ ხინჩეგაშვილმა ა(ა)იპ საქართველოს მოქმედ სპორტსმენთა ასოციაციის პრეზიდენტის თანამდებობა დატოვა.

იურისტების განმარტებით, კანონის მიხედვით, გორის მერის თანამდებობასთან შეუთავსებელია ნებისმიერი კომპანიის ან/და ა(ა)იპ-ის დირექტორობა. ხინჩეგაშვილმა სწორედ აღნიშნული მიზეზით დატოვა მოქმედ სპორტსმენთა ასოციაციის პრეზიდენტის თანამდებობა.

ასოციაციის საერთო კრებამ ახალ პრეზიდენტად თავისუფალი სტილით მოჭიდავე სანდრო ამინაშვილი აირჩია.

ხინჩეგაშვილი გორის მერად არჩევამდე ასევე იკავებდა სამშენებლო კომპანია “ლეგასის” დირექტორის და ნუგზარ სხირელის სახელობის ჭიდაობის სკოლის მენეჯერის პოზიციებს. ორივე თანამდებობა ხინჩეგაშვილმა მერად არჩევამდე, წინასაარჩევნო პერიოდში დატოვა.

დატოვეთ კომენტარი
ტეგები

ავტორის შესახებ

გიორგი დვალიშვილი

გიორგი დვალიშვილი არის გორის სათემო რადიო "მოზაიკას" ჟურნალისტი 2019 წლიდან.