"ჩემი მომავალი პროფესია განაპირობა ჩემმა კამერამ, რომელიც 10 წლის ასაკში მიყიდა მამამ. ყველაზე მეტად ქუჩის ფოტოგრაფია მომწონს და ვიღებ სიამოვნებით. ეს არის ჩემთვის ყველაზე დიდი კომფორტი. ფოტოგრაფიას ვეძახი ინტიმურ პროფესიას. ვერავინ გაიგებს იმას, რაც შენ და კამერას გაკავშირებთ. ჩემი ყველაზე აღიარებული ფოტო, რომელიც გორის თეატრში გადავიღე, განვათავსე ფოტოგრაფთა ერთ-ერთ საიტზე - გრაფ.ჯი, სადაც დღის ფოტო გახდა. ეს იყო პირველი დიდი აღიარება. ქორწილის გადაღება ყველაზე რთულ განხრად მიმაჩნია ფოტოგრაფიაში. დიდ პასუხისმგებლობას და შრომას მოითხოვს, ამიტომ ჯერ არ გადამიღია და ვემზადები ამისთვის," - აღნიშნა ანა ბარჯაძემ.

შეგახსენებთ, რომ "ინტერვალი" რადიო "მოზაიკას" ყოველკვირეული გადაცემაა, რომელიც პირდაპირ ეთერში (FM 97.8)  გადის ყოველ შაბათს, 20:00 საათზე.