Back to Top
პარასკევი, 27 ნოემბერი 2020 13:22

გორში სამედიცონო პერსონალის ტრანსპორტირებას მერია უზრუნველყოფს 

გორში მომუშავე სამედიცინო პერსონალისთვის გორის მერიისა და სამედიცინო დაწესებულების ერთობლივი დაფინანსებით, ტრანსპორტი გამოიყოფა. შეზღუდვების პერიოდში ექიმები და ექთნები აღნიშნული ტრანსპორტით ისარგებლებენ. 

 

როგორც რადიო "მოზაიკას" გორის მერიაში უთხრეს, ამ საკითხზე მსჯელობა უკვე მიმდინარეობს.

 

 

"კლინიკებისა დ ჩვენი თანადაფინანსებით, ექიმებისა და სამედიცინო სფეროს სხვა წარმომადგენლებისთვის ისევ დაინიშნება ტრანსპორტი, რათა ვუზრუნველყოთ მათი ტრანსპორტირება სამსახურებში", - გვითხრეს მერიაში. 

 

ინფორმაციისთვის, გორში მომუშავე ექიმებს ტრანსპორტი გაზაფხულზეც ემსახურებოდა, როცა კორონავირუსის გავრცელების პრევენციის მიზნით, მთელი ქვეყნის მასშტაბით საგანგებო მდგომარეობა იყო გამოცხადებული.