Back to Top
 

JPrize Web Geo

ხუთშაბათი, 02 ივლისი 2020 20:16

გორში, პოლიციელის მკვლელობისთვის დაკავებულს ბრალი წარუდგინეს 

Rate this item
(0 votes)

გორში, შსს - ს თანამშრომლის, დ.ს -ს განზრახ მკვლელობისთვის უცხო ქვეყნის მოქალაქეს ჰ.დ -ს შიდა ქართლისა და მცხეთა-მთიანეთის საოლქო პროკურატურამ ბრალი წარუდგინა. ინფორმაციას ამის შესახებ საქართველოს პროკურატურა ავრცელებს. 

"შინაგან საქმეთა სამინისტროს მიერ ჩატარებული გამოძიებით დადგინდა, რომ 2020 წლის 1 ივლისს, ღამის საათებში, ბრალდებულმა ჰ.დ.-მ ქ.გორში, პოლიციის თანამშრომლის დ.ს-ს საცხოვრებელ სახლში, სადაც იგი მდგმურად იმყოფებოდა, სოცოცხლის მოსპობის მიზნით, დანის გამოყენებით, კისრის არეში ჭრილობა მიაყენა მძინარე დ.ს-ს, რომელიც შემთხვევის ადგილზე გარდაიცვალა", - ნათქვამია პროკურატურის მიერ გავრცელებულ განცხადებაში. 


პროკურატურამ ჰ.დ-ს ბრალდება განზრახ მკვლელობის ფაქტზე, საქართველოს სისხლის სამართლის კოდექსის 109-ე მუხლის მე-2 ნაწილის ,,ბ’’ ქვეპუნქტით წარუდგინა, რაც გულისხმობს მკვლელობას დამნაშავისათვის წინასწარი შეცნობით უმწეო მდგომარეობაში მყოფის მიმართ.

 

ჰ.დ.-სთვის წარდგენილი ბრალდება 13-დან 17 წლამდე  თავისუფლების აღკვეთას ითვალისწინებს. 
სისხლის სამართლის საქმეზე გამოძიება გრძელდება.

 

სამართალდამცველებმა ბრალდებული იმავე დღეს დააკავეს.


პროკურატურამ ბრალდებულ ჰ.დ-ს მიმართ აღკვეთის ღონისძიების სახით პატიმრობის გამოყენების თაობაზე გორის საქალაქო სასამართლოს უკვე მიმართა.

Read 226 times