Back to Top
შაბათი, 31 ოქტომბერი 2020 16:26

ყელქცეულში, „ქართული ოცნების“ აგიტატორებს ცესკო-ს იდენტური სიები აქვთ - დამკვირვებელი

ყელქცეულში, საარჩევნო უბანთან მყოფ "ქართული ოცნების" აგიტატორებს ცესკო-ს იდენტური სიები აქვთ, - ეს ინფორმაცია რადიო "მოზაიკას" "სამოქალაქო პლატფორმა 20/20"-ის დამკვირვებელმა მიაწოდა.

 

თეონა ფანქველაშვილის თქმით, ცესკო-ს იდენტური სიებით ადამიანები დგანან საარჩევნო უბანთან და ინიშნავენ საარჩევნო უბანზე მისული ამომრჩევლების ვინაობას.

 

"ცესკო-ს პასუხისმგებლობაა ყველა იმ პირადი ინფორმაციის დაცვა, რომელიც საარჩევო სიებშია მოცემული. ფაქტია, რომ ეს ინფორმაცია დღეს არის "ქართული ოცნების" აგიტატორების ხელში. მათ აქვთ ცესკო-ს იდენტური სიები, დასურათებული, ამომრჩევლის ყველა პირადი ინფორმაციის მითითებით. ეს არის ძალიან დიდი კანონდარღვევა და მიუთითებს საარჩევნო კომისიის თანამშრომლობაზე მმართველ პარტიასთან", - ამბობს თეონა ფანქველაშვილი.