Back to Top
 

JPrize Web Geo

პარასკევი, 27 აპრილი 2018 13:04

"სოფელი 10 წლის ისტორიით" - საუკეთესო ნამუშევარი დევნილთა თემაზე

Rate this item
(0 votes)

რადიო "მოზაიკას" მასალამ კონკურსში "დევნილთა პრობლემები და გამოწვევები საქართველოში" გაიმარჯვა. 

"მოზაიკამ" კონკურსზე სტატია "სოფელი 10 წლის ისტორიით" წარადგინა. მასალა ახალ ხურვალეთში მცხოვრები დევნილების ყოველდღიურობას ასახავს. 

კონკურსის ორგანიზატორები საქველმოქმედო ჰუმანიტარული ცენტრი „აფხაზეთი“ (ჩHჩA) და "კონსორციუმი სამართლებრივი დახმარება საქართველო" (LAG) იყვნენ. იგი მიზნად დევნილთა პრობლემებისა და გამოწვევების წინ წამოწევას ისახავდა. კონკურსი პროექტის "სამართლიანი საზოგადოებისკენ" ფარგლებში ჩატარდა.

საკონკურსო ნამუშევრებიდან 3 საუკეთესო - ჟიურიმ, ხოლო ერთი საუკეთესო ქსელის "პრო-ინტეგრაცია" წევრებმა შეარჩიეს.

პირველი და მესამე ადგილები, ტელეკომპანია "იმედისა" და რადიო "ათინათის" ნამუშევრებს ერგოთ.

"მოზაიკას" მასალამ მეორე საპრიზო ადგილი დაიკავა. ქსელის "პრო-ინტეგრაცია" რჩეულიც სწორედ აღნიშნული სტატია გახდა. მისი ავტორი რადიო "მოზაიკას" მთავარი რედაქტორი გვანცა დოლუაშვილია. ის 2016 წლიდან "მოზაიკას' დირექტორია. 

Read 2302 times Last modified on პარასკევი, 27 აპრილი 2018 14:47