Back to Top
 

JPrize Web Geo

ორშაბათი, 07 მაისი 2018 12:09

ძმები რომელაშვილების ქუჩის რეაბილიტაციისათვის 273 ათასი ლარი გამოიყო

Rate this item
(0 votes)

"გორში ძმები რომელაშვილების ქუჩის 485 მეტრიანი მონაკვეთის სარებილიტაციო სამუშაოები მიმდინარეობს (ჭალის დასახლება, სტალინის გამზირიდან გრ. ფერაძის ქუჩამდე)," - აღნიშნული ინფორმაცია გორის მერიამ გაავრცელა. 

როგორც მერიაში ამბობენ, პროექტი ითვალისწინებს სატრანსპორტო და საფეხმავლო სივრცეების რეაბილიტაციასა და ახალი სანიაღვრე სისტემის მოწყობას. ქუჩის აღნიშნილ მონაკვეთზე ტროტუარები ადაპტირებული იქნება შეზღუდული შესაძლებლობების მქონე პირებისთვის.

სამუშაოები, ხელშეკრულების მიხედვით, მიმდინარე წლის სექტემბერში დასრულდება. სახელშეკრულებო ღირებულება 273 766 ლარს შეადგენს.

სამუშაოები ადგილობრივი ბიუჯეტისა და რეგიონში განსახორციელებელი ინფრასტრუქტურული პროექტების ფონდის თანადაფინანსებით ხორციელდება. გორის მუნიციპალიტეტის თანადაფინანსების წილი კი 34% შეადგენს.

სარეაბილიტაციო სამუშაოებს შპს ,,საგზაო სამშენებლო სამმართველო №1" აწარმოებს.

Read 1582 times Last modified on ორშაბათი, 07 მაისი 2018 12:12