Back to Top
 

JPrize Web Geo

პარასკევი, 18 მაისი 2018 11:16

სახელმწიფო მუზეუმებში დღეს შესვლა უფასოა

Rate this item
(0 votes)

დღეს მუზეუმების საერთაშორისო დღეა, რომელსაც  საქართველოში მოქმედი ყველა მუზეუმი უერთდება.

აღნიშნულ დღესთან დაკავშირებით, ქვეყანაში, საქართველოს მუზეუმის ფესტივალი Museum Fest იმართება, რომელიც  საქართველოს დემოკრატიული რესპუბლიკის 100 წლის იუბილეს ეძღვნება.

დღეს, 10:00-დან 17:30 საათამდე, საქართველოს ეროვნული მუზეუმის გაერთიანებაში შემავალ ყველა მუზეუმში შესვლა თავისუფალია. მიმდინარე გამოფენების გარდა, საქართველოს ეროვნული მუზეუმის გაერთიანებაში შემავალ მუზეუმებში საგანმანათლებლო და გასართობი პროგრამებია დაგეგმილი, რომელზე დასწრებაც დამთვალიერებელს ასევე უფასოდ შეუძლია.

მუზეუმების საერთაშორისო დღე ICOM-ის (მუზეუმების საერთაშორისო საბჭო) გადაწყვეტილებით 1977 წლიდან იმართება, რაც მსოფლიოში ღია კარის დღეებით აღინიშნება – ეწყობა გამოფენები, საგანმანათლებლო პროგრამები, სამეცნიერო კონფერენციები, ლექციები და სხვადასხვა აქტივობა.

Read 1106 times Last modified on პარასკევი, 18 მაისი 2018 11:35