,,ხელშეკრულებების მიხედვით, სამი სკვერის (ტვიავის, კაჩინსკისა და სუხიშვილის ქუჩებზე) კეთილმოწყობის სამუშაოები ივნისის ბოლოს, ხოლო ხუთი სკვერისა (ვოლოგდის დასახლება, სუხიშვილის, სტალინის და ყიფიანის ქუჩებზე) ივლისის ბოლოს უნდა დასრულდეს.წმინდაწყლის დასახლებაში (ვოლოგდა), სტალინის №5-ისა და სუხიშვილის ქუჩების მიმდებარედ, სადაც ახალი სკვერების მოწყობის სამუშაოები ხორციელდება, პროექტების მიხედვით სავალ ბილიკებზე იგება დეკორატიული ფილები, მონტაჟდება სკამები, ნაგვის ურნები, გარე განათება და ეწყობა მწვანე საფარი", - განმარტავენ მერიაში.

პრესსამსახურის ცნობით, სკვერების მოწყობა - რეაბილიტაციისთვის საჭირო თანხა 136 028 ლარი, ადგილობრივი ბიუჯეტიდან გამოიყო.