ენმ: "ქართული ოცნება" ძროხებშიც კი პარტიულობას ხედავს
ერთიანი ნაციონალური მოძრაობის წევრი ვასილისა ჯაბახიძე საკრებულოს თავმჯდომარის იმ განცხადებას ეხმაურება, რომელშიც რაზმაძის ვარაუდით, საკრებულოს შენობასთან ძროხები ოპონენტებმა მიზანმიმართულად მიიყვანეს.
საკრებულოს დეპუტატი რაზმაძის მოსაზრებას არასერიოზულს უწოდებს.
„ბატონი დავით რაზმაძე ძროხებშიც კი პარტიულობას ხედავს. აქედან ჩანს „ქართული ოცნების“ ლოგიკა და აზროვნება. უბრალოდ, სასაცილოა მისი კომენტარი. იმის მაგივრად, რომ აღიარონ ის ლაფსუსები, რაც არის თვითმმართველობაში, ასევე კეთილმოწყობის ა(ა)იპ-ში და იმ სამსახურებში, რომლებსაც გორის ინფრასტრუქტურაზე და კეთილმოწყობაზე ზრუნვა ევალებათ, ამბობენ რომ თურმე ოპონენტებს შეეძლოთ ძროხები მიეყვანათ საკრებულოსთან", - ამბობს ჯაბახიძე
