ალექსი მარიამიძე: მერს საბჭოს დაკომპლექტების პროცესი დებულებით უნდა განესაზღვრა

ივლისი 12 2018 font size decrease font size increase font size
Rate this item
(0 votes)

გორის მერის ყოფილი მოადგილე ალექსი მარიამიძე სოციალურ საკითხებში გორის მუნიციპალიტეტის მრჩეველთა საბჭოს თანამშრომლებით დაკომპლექტების პროცესს ეხმაურება.

მარიამიძეს მიაჩნია, რომ კონსტანტინე თავზარაშვილს შერჩევის პროცესი დებულებით უნდა განესაზღვრა და ამით უზრუნველყოფილი იქნებოდა საბჭოს საქმიანობის კანონიერების, თანასწორობის, საჯაროობის, მიუკერძოებლობის, კოლეგიალობის და საჯარო და კერძო ინტერესების პროპორციულობის პრინციპები. მისი განცხადებით, ეს ყველაფერი პროცესს მეტ გამჭვირვალობას შესძენდა. 

"მაგალითად, მედიით ან მერიის ხელთ არსებული სხვა საინფორმაციო საშუალებებით, ასეთი საბჭოს შექმნის ინიციატივის შესახებ ინფორმაციის წინასწარი გავრცელება, საბჭოს შემადგენლობაში თანამშრომლობის მსურველთა განცხადებების წინასწარი მიღება და ა.შ. 

მნიშვნელოვანი იქნებოდა სოციალური საბჭოს შემადგენლობაში საზოგადოების იმ მცირე ჯგუფებისა და ფენების ავტორიტეტულ პირთა შეყვანა, რომელთა წარმომადგენლები ვერ მოხვდნენ 2017 წლის ადგილობრივი თვითმმართველობის არჩევნების შედეგად საკრებულოში და არც მერიის საჯარო მოხელეებში არიან საკმარისად წარმოდგენილები,  რათა არ მოხდეს მათი მარგინალიზაცია და არ გაუჩნდეთ საჯარო რესურსების განაწილების არასამართლიანობის შეგრძნება", - აცხადებს გორის მერის ყოფილი მოადგილე.

Read 899 times Last modified on Last modified on ივლისი 12 2018

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი