Back to Top
ხუთშაბათი, 12 ივლისი 2018 16:55

გორის მერი: კეთილმოწყობის სააგენტოში პროკურატურა შევიდა

Rate this item
(0 votes)

"კეთილმოწყობის სააგენტოში პროკურატურის თანამშრომლები დოკუმენტაციას ეცნობიან", - ეს ინფორმაცია რადიო ,,მოზაიკას" გორის მერმა დაუდასტურა.

კონსტანტინე თავზარაშვილი აცხადებს, რომ საგამოძიებო ორგანოს მხრიდან სააგენტოთი დაინტერესების შესახებ თავად აღნიშნული ა(ა)იპ-ის ხელმძღვანელმა მიაწოდა ინფორმაცია.

"ვადასტურებ, რომ ადმინისტრაციულ შენობაში სხედან პროკურატურის თანამშრომლები და კეთილმოწყობის სააგენტოს საბუთებს ნახულობენ. ჩემთვის გაუგებარია ამის მიზეზი. არც პროკურატურას და არც საფინანსო განყოფილებას არ უცნობებია, თუ რას უკავშირდება ამ შემთხვევაში პროკურატურის გამოჩენა",-აცხადებს გორის მერი. 

მიმდინარე წელს, ა(ა)იპ კეთილმოწყობის სააგენტო ადგილობრივი ბიუჯეტიდან 2 386 500 ლარით ფინანსდება.

Read 1824 times Last modified on ხუთშაბათი, 12 ივლისი 2018 17:24