იოსებ მაკრახიძე: ერთხელ მეც დამიჯერეთ, გორის ცენტრში ბინებს მე არ ვაშენებ

ივლისი 16 2018 font size decrease font size increase font size
Rate this item
(0 votes)

მაჟორიტარი დეპუტატი გორის ადმინისტრაციულ შენობასთან მდებარე ბინების საკითხს გამოეხმაურა. იოსებ მაკრახიძის განმარტებით, ინფრასტრუქტურის სამსახურის ხელმძღვანელთან, ზურაბ ჯალაღანიასთან არანაირი შეთანხმება არ ჰქონია. სამშნებლო ნებართვა კი როგორც მაკრახიძე ამბობს, მის დეპუტატობამდეა გაცემული.

 

,,ერთხელ ხომ შეიძლება რამე მეც დამიჯეროთ. ეგ ბინები ჩემმა გოგომ ააშენა, რომელიც არის 43 წლის. მე არ ვიცი ვისთან რა შეთანხმება აქვს. მგონია, რომ გამორიცხულია რამე გარიგებას ჰქონდეს ადგილი ინფრასტრუქტურის სამსახურის უფროსთან, ზურა ჯალაღანიასთან“, - აცხადებს იოსებ მაკრახიძე.

საქმე ეხება გორის ცენტრში, ადმინისტრაციული შენობის უკან მშენებარე ობიექტებს, რომლის შესახებ ინფორმაცია დღეს სამოქალაქო აქტივისტმა გაავრცელა. ლაშა ჯიოშვილი წერს, რომ აღნიშნული ტერიტორია ინფრასტრუქტურის სამსახურის უფროსის ცოლზე იყო გაფორმებული, ამჟამად კი ამილახვრის ქუჩაზე მდებარე ერთ-ერთ საცხოვრებელ ბინაში ის 236.06 კვ/მ -ს ფლობს. აქედან 97,54 კვ/მ - კომერციული ფართია.

რაც შეეხება კომპანიას, რომელმაც აღნიშნული ბინა ააშენა, შპს ,,ემ ეს ჯის“ 100% - იანი წლის მესაკუთრე გორის მაჟორიტარი დეპუტატის შვილი, ოფელია მაკრახიძეა. შესაბამისი დოკუმენტაცია საჯარო რეესტრში მიმდინარე წლის იანვარშია განახლებული.    

დეპუტატის შვილის სახელზე კიდევ სამი კომპანია ფიქსირდება - შპს ,,იბოლია“-ში მას 15% აქვს, შპს ,,მათა“-ში - 50%, შპს ,,იონი“-ში კი 65 პროცენტიან წილს ფლობს.

Read 978 times Last modified on Last modified on ივლისი 16 2018

ადგილი შენი რეკლამისთვის

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი