საკრებულოს თავმჯდომარე: ხელოვნური ინტელექტი რაღაა?

ივლისი 18 2018 font size decrease font size increase font size
Rate this item
(0 votes)

"ინტელექტი ხელოვნური არ არსებობს. ინტელექტი არის ადამიანის სულიერი მდგომარეობა", - ასე განმარტავს გორის საკრებულოს თავმჯდომარე ხელოვნური ინტელექტის მნიშვნელობას.

დავით რაზმაძე შეკითხვის შინაარსს რობოტი სოფიას ხსენების შემდეგ მიხვდა და განმარტა, რომ ამ საკითხზე მსჯელობამდე, ადამიანებმა მინიმუმ, ქცევის წესები უნდა დახვეწონ.

“ინტელექტი ხელოვნური არ არსებობს. მე ვიცი ერთადერთი ინტელექტი, რომელიც ადამიანის სულიერი მდგომარეობაა. რაც შეეხება რობოტის თემას, ხელოვნურ ინტელექტამდე ჯერ მისასვლელები ვართ. ელემენტარულად, ის არ ვიცით, რომ ქუჩაში ნაგავი არ უნდა დავყაროთ, საზოგადოებრივ ტრანსპორტში სიგარეტი არ უნდა მოვწიოთ და სხვა. რა ინტელექტზეა საუბარი როდესაც ეს ყველაფერი ჯერ ისევ გასავლელი გვაქვს“, - განაცხადა დავით რაზმაძემ.

რადიო “მოზაიკამ“ გორელ საჯარო მოხელეებს აზრი, საქართველოში მყოფ რობოტი სოფიას მიერ გაჟღერებულ საკითხთან დაკავშირებით ჰკითხა, სადაც ის ამბობს, რომ ქალაქებს ძალიან წაადგებათ ხელოვნური ინტელექტის განვითარება, სერვისების გაუმჯობესების მიზნით.

იგივე კითხვით გორის მერსაც მივმართეთ, თუმცა, კოტე თავზარაშვილმა შეკითხვის შინაარსის გაცნობის შემდეგ განაცხადა, რომ მოქალაქეებს ხვდება და ამ თემაზე საპასუხოდ არ სცალია.

Read 1046 times Last modified on Last modified on ივლისი 18 2018

ადგილი შენი რეკლამისთვის

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი