შსს, დაიწყე "ბოდიშით!“ - ხვალ გორის სასამართლოსთან აქცია გაიმართება

აგვისტო 02 2018 font size decrease font size increase font size
Rate this item
(0 votes)

შსს, დაიწყე "ბოდიშით" - ამ სახელწოდების აქცია ხვალ 10:30 საათზე გორის რაიონულ სასამართლოსთან გაიმართება. მშვიდობიანი საპროტესტო გამოსვლა რადიო "მოზაიკას" დირექტორის, გვანცა დოლუაშვილის სასამართლო პროცესის პარალელურად წარიმართება. ჟურნალისტისა და სამოქალაქო აქტივისტის წინააღმდეგ მიმართულ საქმის წარმოებას საზოგადოების სხვადასხვა ჯგუფის წარმომადგენლები გააპროტესტებენ.

"ჩვენ ვფიქრობთ, რომ შინაგან საქმეთა სამინისტრო ცდილობს დასაჯოს პროტესტი, რომელიც მოსწავლის მკვლელების დაუსჯელობის გამო, საზოგადოებაში არსებობს. მან გადაწყვიტა, სამოქალაქო აქტივისტისა და ჟურნალისტის დასჯით, გვაჩვენოს, საკუთარი ძალა და გავლენა. 

ვისთვისაც მნიშვნელოვანია შინაგან საქმეთა სამინისტროს მცდელობა, დააშინოს და შეავიწროოს სიტყვისა და გამოხატვის თავისუფლების ერთგული ადამიანები, ხვალ ვიკრიბებით გორის რაიონულ სასამართლოსთან. 

ჩვენი მიზანია, დავანახოთ ხელისუფლებას, რომ ყოველთვის დავიცავთ დემოკრატიული ღირებულებებისთვის მებრძოლი ადამიანების უფლებას, უსაფრთხოებას და ინტერესებს“, - აცხადებენ აქციის ორგანიზატორები.

რადიო ,,მოზაიკას“ ინფორმაციით, შინაგან საქმეთა სამინისტრო გვანცა დოლუაშვილის დაჯარიმებას, სარალიძის მკვლელობის ობიექტური გამოძიების მოთხოვნის მიზნით, გორის ქუჩაში გაკეთებული წარწერის "მკვლელი ქუჩაშია" გამო, ითხოვს. გვანცა დოლუაშვილის წინააღმდეგ საქმის წარმოება მხოლოდ პოლიციელების ჩვენებებს ეყრდნობა და არანაირი მტკიცებულებით გამყარებული არ არის.

Read 2178 times Last modified on Last modified on აგვისტო 02 2018

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი