Back to Top
ორშაბათი, 27 აგვისტო 2018 15:28

ომგამოვლილი ახალგაზრდები 4 თვიანი აქტივობების შედეგებს შეაჯამებენ

Rate this item
(0 votes)

პარასკევს, 31 აგვისტოს, 13:00 საათზე გამყოფ ხაზთან და დევნილთა დასახლებებში მცხოვრები ახალგაზრდები სამომავლო ურთიერთობების პერსპექტივებსა და აქტივობებით მიღებულ შედეგებს განიხილავენ.

კონფერენციაში მონაწილეობის მისაღებად მოზარდები შინდისის თემიდან, ხურვალეთისა და სკრის დევნილთა დასახლებებიდან ჩამოვლენ. შეხვედრა გორის დემოკრატიული ჩართულობის ცენტრში (სტალინის 7) გაიმართება. 

შეხვედრა მერიის მიერ მხარდაჭერილი პროექტის „ახალგაზრდების ჩართულობის გაძლიერება შიდა ქართლში“ დასკვნით აქტივობას წარმოადგენს, რომელსაც ორგანიზაცია „ქართლოსი“ ახორციელებს. სადაც მისი ბენეფიციარები მიღებული გამოცდილების შესახებ პრეზენტაციებს გააკეთებენ. ღონისძიებას არასამთავრობო სექტორისა და ადგილობრივი ხელისუფლების წარმომადგენლები დაესწრებიან. 

ოთხი თვის განმავლობაში პროექტის განხორციელების პროცესში ჩართულნი იყვნენ ახალგაზრდებთან მომუშავე ორგანიზაციების წარმომადგენლები , გორის მუნიციპალიტეტის ახალგაზრდული პროგრამების წარმომადგენელი , ასევე მეგობრობის ხიდი ქართლოსის EVS -მოხალისეები.

Read 1024 times