Back to Top
პარასკევი, 19 იანვარი 2018 12:16

საკრებულოს თავმჯდომარე: საჯარო მოხელეებს ხელფასები მოტივაციის გაზრდისთვის მოემატათ

Rate this item
(0 votes)

საჯარო მოხელეებს ხელფასები 200 ლარით წახალისებისა და მოტივაციის გაზრდის მიზნით მოემატათ, - ეს განცხადება რადიო "მოზაიკასთან" საკრებულოს თავმჯოდმარე დავით რაზმაძემ გააკეთა. გორის მუნიციპალიტეტის საკრებულოს თანამდებობის პირებსა და მერიის შესაბამისი სამსახურის წარმომადგენლებს სახელფასო ანაზღაურება გაეზარდათ. ამის შესახებ გადაწყვეტილება გუშინდელ საკრებულოს სხდომაზე მიიღეს.

,,უნდა მომხდარიყო სარგოების მოწესრიგება და შესაბამისად, ამან გამოიწვია საჯარო მოხელეების ხელფასების ზრდა. აღარ იქნება ის ერთიანი საჯარო პრემიები. იქნება მხოლოდ ჯილდო და დანამატი. ისიც განსაკუთრებულ შემთხვევაში. ამიტომ, ვფიქრობ, ეს მნიშვნელოვანია. საჯარო მოხელე წახალისდება, თავისი დავალების პირნათლად შესრულებისთვის. ნუ, დღევანდელი სოციალური ფონიდან და ფინანსური მდგომარეობიდან გამომდინარე დიდი არაფერია, მაგრამ მაინც უფრო უკეთესი მდგომარეობა ექნება საჯარო მოხელეს,თუმცა უფრო მეტი მოეთხოვება“, - განაცხადა გორის საკრებულოს თავმჯდომარე დავით რაზმაძემ.

Read 2029 times