სოფლად მცხოვრები ქალების შესახებ ფილმის პრეზენტაცია ხვალ კარალეთში მოეწყობა

ოქტომბერი 14 2018 font size decrease font size increase font size
Rate this item
(0 votes)

"ქალები სოფლად"-ამ სახელწოდებით ფილმის ჩვენება ხვალ კარალეთში, ადმინისტრაციული შენობის დარბაზში მოეწყობა. 

 მოკლემეტრაჟიანი ვიდეომასალა სოფლად მცხოვრები ქალების ყოველდღიურ ცხოვრებას და მათ ყოფას ასახავს. ფილმი გორის მუნიციპალიტეტშია გადაღებული, მისი გმირები კი ტირძნისის, კოშკების, ერგნეთის, კარალეთისა და სკრის დევნილთა დასახლებაში მცხოვრები ქალები არიან. 

ღონისძიების ორგანიზატორი კარალეთის "ქალთა სოლიდარობის ცენტრია", რომელიც ხვალ, 15 ოქტომბერს, სოფლად მცხოვრები ქალების დღეს, "ქალთა ფონდის" მხარდაჭერილი პროექტის ფარგლებში აღნიშნავს.

ფილმის ჩვენების პარალელურად, ორგანიზაცია სოფლად მცხოვრები ქალების მიერ ხელნაკეთი ნივთების და სოფლად მცხოვრები ქალების ყოველდღიური შრომის ამსახველი ფოტოების გამოფენასაც მოაწყობს. ღონისძიება 15:00 საათზე დაიწყება, სადაც დასწრება ნებისმიერ დაინტერესებულ პირს შეეძლება. 

Read 798 times Last modified on Last modified on ოქტომბერი 14 2018

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი