Back to Top
პარასკევი, 02 ნოემბერი 2018 12:14

დე ფაქტო სამხრეთ ოსეთის პარლამენტი სირიასთან თანამშრომლობის შესახებ ე.წ. შეთანხმების რატიფიცირებას მოახდენს

Rate this item
(0 votes)

დღეს ოკუპირებული სამხრეთ ოსეთის დე ფაქტო პარლამენტი სირიასთან მეგობრობისა და თანამშრომლობის შესახებ ე.წ. შეთანხმების რატიფიცირებას მოახდენს.

ოკუპირებულ სამხრეთ ოსეთსა და სირიის რეჟიმს შორის ე.წ. შეთანხმების ხელმოწერა დე ფაქტო პრეზიდენტის, ანატოლი ბიბილოვის დამასკოში ვიზიტის ფარგლებში მოხდა, რომელიც 23 ივლისს შედგა.

აღნიშნული "შეთანხმება" ითვალისწინებს სირიის რეჟიმსა და ოკუპირებულ სამხრეთ ოსეთს შორის თანამშრომლობას საგარეო პოლიტიკისა და ეკონომიკის სფეროებში.

"შეთანხმებაში" ასევე ცალკედ არის გაწერილი, რომ "სამხრეთ ოსეთის ხელისუფლება ხელს შეუწყობს ეკონომიკური, ფინანსური და სამართლებრივი პირობების შექმნას საინვესტიციო და ეკონომიკური საქმიანობისთვის".

"შეთანხმების" რატიფიცირების შემდეგ დე ფაქტო პარლამენტარები სირიელ კოლეგებთან აქტიური კონტაქტების დამყარებას გეგმავენ.

"შეთანხმების რატიფიცირების შემდეგ ვგეგმავთ სირიის პარლამენტთან თანამშრომლობის შესახებ შეთანხმების ხელმოწერას", - აღნიშნა დე ფაქტო პარლამენტის ე.წ. სპიკერმა პეტრე გასიევმა.

Read 763 times Last modified on პარასკევი, 02 ნოემბერი 2018 15:23