mukilurji640X90

დასუფთავების სააგენტოს ყოფილი ხელმძღვანელი კულტურის სააგენტოში დაასაქმეს

ნოემბერი 02 2018 font size decrease font size increase font size
Rate this item
(0 votes)

დასუფთავების სააგენტოს ყოფილმა ხელმძღვანელმა მუშაობა ა(ა)იპ კულტურისა და ტურიზმის განვითარების ხელშეწყობის სააგენტოში დაიწყო. 

გივი კობახიძე ახალ სამსახურში მნედ მუშაობს და ინფრასტრუქტურულ საკითხებს კურირებს.

"ერთი თვეა, კულტურის სააგენტოში ვმუშაობ. ჩემი ძველი სამსახურის მონათესავე სფეროში ვარ. ყოველდღე დავდივარ სამსახურში და ვასრულებ ჩემ მოვალეობას", - გვითხრა კობახიძემ. 

მან ახალი სამსახური დასუფთავების სააგენტოს ხელმძღვანელობიდან გათავისუფლების შემდეგ, მალევე დაიწყო. როგორც მისმა ახალმა ხელმძღვანელმა, გიორგი ქვათაძემ განგვიმარტა, სააგენტოში კობახიძის მსგავსი კვალიფიკაციისა და უნარების მქონე ადამიანი სჭირდებოდათ და ამიტომ გადაწყვიტა მასთან საქმიანი ურთიერთობის დაწყება. 

"ჩვენ ვეღარ ავუდიოდით ამ სფეროში არსებული საქმეების სიჭარბეს. დავინახეთ ახალი კადრის საჭიროება. ამიტომ როგორც ამ სფეროში გამოცდილ კადრს, გივი კობახიძეს მე შევთავაზე თანამშრომლობა. წლის ბოლომდე ის ჩვენთან მნედ იმუშავებს და ინფრასტრუქტურული საკითხების მოგვარებაში დაგვეხმარება", - ამბობს გიორგი ქვათაძე.

მისივე ცნობით, კობახიძესთან ა(ა)იპ კულტურისა და ტურიზმის განვითარების ხელშეწყობის სააგენტოს სამ-თვიანი ხელშეკრულება აქვს გაფორმებული. 

შეგახსენებთ, რომ გივი კობახიძე გორის მერმა 28 სექტებერს გაათავისუფლა კეთილმოწყობის სააგენტოდან და დაპირდა, რომ უახლოეს მომავალში სხვა სამსახურში დაასაქმებდა. კობახიძის თანამდებობა კი აღნიშნულ სამსახურში ახლადდანიშნული გუბერნატორის კურსელმა ბაჩანა გვიანიშვილმა დაიკავა.

 

Read 396 times Last modified on Last modified on ნოემბერი 02 2018

ადგილი შენი რეკლამისთვის

გორის სათემო რადიო "მოზაიკას" პარტნიორი

studia-re

26056936 1853234714784791 1424530202 nსაიტი დამზადებულია პროექტის "თემის ხმა" ფარგლებში. პროექტი დაფინანსებულია საერთაშორისო ორგანიზაციის "European Endowment For Democracy" (EED) მიერ.

გორის სათემო რადიო "მოზაიკას" პარტნიორი

ნიმდი