8 დეპუტატი 9 წლის გოგონას მკვლელობაში ბრალდებულისთვის სამუდამო პატიმრობის მისჯას ითხოვს

ნოემბერი 07 2018 font size decrease font size increase font size
Rate this item
(0 votes)

პარლამენტის 8 დეპუტატი გორში 9 წლის გოგონას  მკვლელობასთან დაკავშირებით საგანგებო განცხადებას ავრცელებს.

პარლამენტის წევრები იზიარებენ საზოგადოების ნაწილის მოთხოვნას, მკვლელობაში ბრალდებული პირისთვის თავისუფლების უვადო აღკვეთასთან დაკავშირებით.

"ვეხმაურებით გორში მცხოვრები 9 წლის გოგონას სასტიკი მკვლელობის ფაქტს. პირველ რიგში, ვუთანაგრძნობთ მის ოჯახს, გორში მცხოვრებ თითოეულ მოქალაქეს და სრულიად საქართველოს. თითოეული ჩვენგანი სრულად იზიარებს საზოგადოების აღშფოთებას მომხდარის გამო და აცნობიერებს იმ პასუხისმგებლობას, რომელიც ხელისუფლებაში მყოფ ძალას აკისრია - დაიცვას ამ ქვეყნის თითოეული მოქალაქე და კანონის მთელი სიმკაცრით გაუსწორდეს მსგავს მოძალადეებს.

"ყოველივე ზემოაღნიშნულიდან გამომდინარე, მოქალაქეობრივი და ზნეობრივი პოზიციიდან გამომდინარე, სრულად ვეთანხმებით საზოგადოების დიდი ნაწილის მოთხოვნას, სასტიკი მკვლელის, წარსულში ყაჩაღობის მუხლით ნასამართლევი 34 წლის ი. ნ. - სთვის თავისუფლების უვადო აღკვეთასთან დაკავშირებით. ამავდროულად, დარწმუნებულნი ვართ, რომ ძლიერი და დამოუკიდებელი ქართული სასამართლო მიიღებს სამართლიან და ადეკვატურ გადაწყვეტილებას"! - ნათქვამია განცხადებაში, რომელსაც ხელს აწერენ პარლამენტის წევრები: კახაბერ ოქრიაშვილი, გოგი მეშველიანი, გურამ მაჭარაშვილი, კობა ლურსმანაშვილი, ანზორ ბოლქვაძე, ენზელ მკოიანი, თენგიზ ხუბულური, გიორგი ხატიძე.

Read 802 times Last modified on Last modified on ნოემბერი 07 2018

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი