მასწავლებელმა მოსწავლეებს თანაკლასელზე ძალადობა დაავალა - შემთხვევა გორის სკოლაში

ნოემბერი 07 2018 font size decrease font size increase font size
Rate this item
(0 votes)

გორის #1 საჯარო სკოლაში მასწავლებელმა მოსწავლეებს თანაკლასელზე ძალადობა დაავალა. მასწავლებელი სკოლაში მუშაობას აგრძელებს. 

ინგლისური ენის გაკვეთილზე, დისციპლინის დარღვევის გამო მასწავლებელმა მოსწავლეებს ძალადობისკენ მოუწოდა, - ამის შესახებ რადიო "მოზაიკას" ამავე კლასის ერთ-ერთი მოსწავლის ახლობელმა აცნობა.

"ერთ-ერთმა მოსწავლემ ქაღალდის ბურთულა ისროლა. რის შემდეგაც მასწავლებელმა მოსწავლეებს უთხრა, აიღეთ ახლა ეს დაკუჭული ქაღალდი და მაგას პირში ჩასჩარეთო. მოსწავლეებმა მისი მოწოდება გაკვეთილზე, მისი თანდასწრებითვე შეასრულეს", - უთხრა რადიო "მოზაიკას" ერთ-ერთი მოსწავლის ახლობელმა. 

შემთხვევა მეექვსე კლასში მოხდა. მომხდარის შესახებ საქმის კურსშია გორის რესურს-ცენტრი. როგორც მისმა ხელმძღვანელმა რადიო "მოზაიკას" უთხრა, მასწავლებელმა გაფრთხილება მიიღო, ხოლო მოსწავლეები ერთმანეთს დამრიგებელმა შეარიგა.

"დირექტორთან მქონდა ამ საკითხზე კომუნიკაცია. რამდენჯერმე ვესაუბრე და დავინტერესდი, თუ რა რეაგირება მოჰყვა მისი მხრიდან ამ ფაქტს. ვიცი, რომ დამრიგებელმა ჩაატარა კლასის საათი და მოსწავლეები ერთმანეთს შეარიგა. ასევე აუხსნა, რომ ეს არის ძალადობა და ასე, არავის მითითებით არ უნდა მოიქცნენ. თავად მასწავლებელი აგრძელებს სკოლაში მუშაობას, თუმცა მან გაფრთხილება მიიღო", - გვითხრა ნანა ტერმაკოზაშვილმა. 

რადიო "მოზაიკა" ცდილობს სკოლის დირექტორთან დაკავშირებას, თუმცა ეკატერინე აფხაიძე ჩვენს სატელეფონო ზარებს არ პასუხობს. 

 

 

Read 3739 times Last modified on Last modified on ნოემბერი 07 2018
ვის დაუჭერთ მხარს არჩევნების მეორე ტურში?

44086341 348927965844559 8831158629861163008 n

ადგილი შენი რეკლამისთვის

გორის სათემო რადიო "მოზაიკას" პარტნიორი

studia-re

26056936 1853234714784791 1424530202 nსაიტი დამზადებულია პროექტის "თემის ხმა" ფარგლებში. პროექტი დაფინანსებულია საერთაშორისო ორგანიზაციის "European Endowment For Democracy" (EED) მიერ.

გორის სათემო რადიო "მოზაიკას" პარტნიორი

ნიმდი