Back to Top
ხუთშაბათი, 08 ნოემბერი 2018 13:00

დაპირისპირება მოვაჭრეებს შორის - ადგილზე სასწრაფო სამედიცინო დახმარება გამოიძახეს

Rate this item
(0 votes)

ამ წუთებში გორში, ჭავჭავაძის ქუჩაზე სასწრაფო სამედიცინო დახმარების ბრიგადა და პოლიცია იმყოფება.

კომერციული ფართის მეპატრონესა და მიმდებარე ტერიტორიაზე უნებართოდ მოვაჭრეებს შორის დაპირისპირება მოხდა. მეპატრონე მათ ტერიტორიის დატოვებას სთხოვდა და ადგილზე გარევაჭრობის საშუალებას არ აძლევდა. 

"ორი წელია აქ ვდგავართ, მაგრამ ბოლო ხუთი დღეა სულ დაძაბულობაა. დღეს საერთოდ გვითხრა, აიღეთ თქვენი ნივთებიო. ამბობს, რომ ჩვენი აქ ყოფნა მაღაზიის მუშაობაში უშლის ხელს", - გვითხრა ერთ-ერთმა გარემოვაჭრემ, რომელიც ადგილზე წვრილმან ნივთებს ყიდის. 

დაპისრისპირების შედეგად, ერთ-ერთი გარემოვაჭრე შეუძლოდ გახდა. მის დასახმარებლად ადგილზე სასწრაფო სამედიცინო დახმარება გამოიძახეს. 

"წერა-კითხვა რომ ვერ ვისწავლეთ, ეგ არის ჩვენი დანაშაული?! ამას გვეუბნებიან?! ვინმეს ჰგონია, რომ ამ ზამთარში აქ ჯდომა მოგვწონს", - ამბობდნენ გარემოვაჭრეები. 

სიტუაციის გარკვევის მიზნით, ადგილზე პოლიციის თანამშრომლებიც მივიდნენ. მათი თქმით, ფაქტის მოკვლევის მიზნით, კონფლიქტის მხარეებს გამოკითხავენ. 

Read 1410 times Last modified on ხუთშაბათი, 08 ნოემბერი 2018 13:24