გორში მოხალისეების საერთაშორისო დღე აღნიშნეს

დეკემბერი 05 2018 font size decrease font size increase font size
Rate this item
(0 votes)

მსოფლიო მოხალისეთა საერთაშორისო დღესთან დაკავშირებით გორში ადგილობრივმა და რეგიონის სხვადასხვა ქალაქიდან ჩამოსულმა ახალგაზრდებმა მოხალისეობის პოპულარიზაციისთვის ქუჩაში ცხელი სასმელები და ტკბილეული დაარიგეს.

გორის სამოქალაქო აქტივიზმის ცენტრის მოხალისის, გიორგი ოგანესიანის თქმით, აღნიშნული ქმედება მოხალისეობრივი კულტურის გაზრდას ისახავს მიზნად. 

“ქალაქში გამოვედით, ჩაით, ყავით,ტკბილეულით, ბუშტებითა და პოზიტივით. ადგილობრივებსა და ჩამოსულ სტუმრებს მივულოცეთ ეს დღე. ყველა ვთანხმდებით იმაზე, რომ მოხალისეობა გადამდებია და წარმატება მოხალისეობიდან იწყება. ზოგადად, ჩვენს ქვეყანაში და გორშიც, ძალიან დაბალია მოხალისეობრივი კულტურა, ადამიანები ვერ აღიქვამენ, თუ რამდენად მნიშვნელოვანია საზოგადოების განვითარებისთვის. ასეთი აქციები ამ პრობლემის მოგვარებას ხელს უწყობს და რაც უფრო ხშირად იქნება, მით მეტად გაიზრდება მოხალისეობრივი კულტურის დონე ჩვენს ქვეყანაში“, - ამბობს გიორგი ოგანესიანი.

5 დეკემბერს მსოფლიო მოხალისეთა საერთაშორისო დღეს აღნიშნავს.

Read 625 times

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი