Back to Top
ხუთშაბათი, 20 დეკემბერი 2018 13:35

ვერხვებისა და სკრის დევნილთა დასახლებებში გადასახურ მასალას არიგებენ

Rate this item
(0 votes)

ვერხვების დევნილთა დასახლებაში ქურთის მუნიციპალიტეტის გამგეობა კოტეჯების სახურავებს არიგებს.

აღნიშნული პროექტი მიმდინარე წელს დაიწყო და გაზაფხულზე დასრულდება. ამჟამად კოტეჯის გადასახური მასალა ქურთის მუნიციპალიტეტიდან დევნილ 20 ოჯახს გადაეცა. ქურთის მუნიციპალიტეტის ინფორმაციით, აღნიშნული ყურადღება ადგილნაცვალი ოჯახების მიმართ, მიმდინარე წლის ბიუჯეტში გაწერილი ინფრასტრუქტურული პროგრამის ფარგლებში ხორციელდება. 

"გრძელდება ინფრასტრუქტურული სამუშაოები დევნილთა დასახლებებში. ორ ეტაპად ხორციელდება პროექტი.  ვერხვების დასახლებაში სახურავები ურიგდებათ, ქურთის მუნიციპალიტეტის გამგეობა ამ დასახლებაში კოტეჯების გადახურვის სამუშაოებს გაზაფხულზე დაასრულებს. ასევე, დაგეგმილია სკრის დევნილთა დასახლებაში მოსახლეობის საპირფარეშოების მასალით მომარაგება. იქ მცხოვრებ დევნილ ოჯახებს ეს პრობლემა დიდი ხანი აწუხებდათ“, - აცხადებს ქურთის მუნიციპალიტეტის გამგებლის მოადგილე ნუგზარ კახნიაშვილი.

Read 1203 times Last modified on ხუთშაბათი, 20 დეკემბერი 2018 15:17