Back to Top
 

JPrize Web Geo

კვირა, 23 დეკემბერი 2018 23:03

კვარხეთთან ერთმანეთს ტრაქტორი და მიკროავტობუსი შეეჯახა

Rate this item
(0 votes)

სოფელ კვარხეთთან ავარია მოხდა - ერთმანეთს ტრაქტორი და მიკროავტობუსი შეეჯახა.

სასწრაფო სამედიცინო დახმარების ბრიგადამ ახალგაზრდა მამაკაცი, რომელიც ტრაქტორს მართავდა, "გორმედში" გადაიყვანა.

"გორი-მეჯვრისხევის საავტომობილო გზაზე მომხდარი ავარიის შედეგად დაშავებული 1 პირს კლინიკა შესაბამისი კვლევები უტარდება და სტაციონარში რჩება. 25 წლამდე მამაკაცს თავის ტრავმა აქვს მიღებული", - უთხრა რადიო "მოზაიკას" კლინიკის ადმინისტრაციამ.

შინაგან საქმეთა სამინისტროს ცნობით, პოლიციამ გამოძიება სისხლის სამართლის კოდექსის 276 -ე მუხლის პირველი ნაწილით დაიწყო.

"ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია", - ვკითხულობთ კანონში. 

დანაშაული ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ. 

Read 1656 times Last modified on კვირა, 23 დეკემბერი 2018 23:21