გორის მერიის შენობისა და გარე პერიმეტრის დასუფთავებისთვის წელს 77 400 ლარი დაიხარჯება

იანვარი 14 2019 font size decrease font size increase font size
Rate this item
(0 votes)

გორის მუნიციპალიტეტის ადმინისტრაციული შენობის და გარე პერიმეტრის მოვლა-დასუფთავების მომსახურებისთვის მერია 77 400 ლარს გადაიხდის, - ამის შესახებ ინფორმაცია სახელმწიფო შესყიდვების ვებ გვერდზეა გამოქვეყნებული.

გორის მერია ამ ეტაპზე ტენდერში გამარჯვებულ კომპანიასთან ხელშეკრულების დეტალებზე მუშაობს. აღნიშნულ ვალდებულებას მიმდინარე წელს, შპს "სისუფთავის სერვისი" შეასრულებს.

სატენდერო პირობების მიხედვით:

საოფისე ფართის დასუფთავება განხორციელდება სამუშაო დღის დაწყებამდე, 08:50 საათამდე, ყოველ დღე;

დასუფთავების ობიექტს ყოველდღიურად მოემსახურება არანაკლებ 10 მომსახურე პერსონა, მათ შორის ყოველდღიურ მითითებებს და რეგულარულ კონტროლს განახორციელებს მენეჯერი (პასუხისმგებელი პირი);

ყოველდღიურად იმორიგევებს 2 მორიგე დამლაგებელი 10:00 - 18:00 საათებში.

მომსახურე პერსონალის (დამლაგებელი) ერთი თვის დარიცხული ხელფასი უნდა შეადგენდეს არანაკლებ 375 ლარს, ხოლო მენეჯერის არანაკლებ 437,50 ლარი .

ადმინისტრაციული შენობისა და გარე პერიმეტრის მოვლა დასუფთავებისთვის საჭირო თანხა გორის მუნიციპალიტეტის 2019 წლის ბიუჯეტიდან გამოიყო

Read 497 times

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი