Back to Top
 

JPrize Web Geo

პარასკევი, 25 იანვარი 2019 20:20

კავკასიის საერთაშორისო უნივერსიტეტის სტუდენტები საოკუპაციო ზოლთან მდებარე სოფლებში იმყოფებოდნენ

Rate this item
(0 votes)

სამეცნიერო პროექტის ფარგლებში, კავკასიის საერთაშორისო უნივერსიტეტის მხარდაჭერით, სტუდენტები გუგუთიანთკარში და დიცში იმყოფებოდნენ.

ახალგაზრდები ადგილობრივ მოსახლეობას მათთვის მნიშვნელოვან საკითხებზე ესაუბრნენ. პროექტის ხელმძღვანელის, ნინო მინდიაშვილის თქმით, აღნიშნული შეხვედრები საოკუპაციო ზოლთან არსებული სოფლების საჭიროებების კვლევას ისახავს მიზნად. 

"ამ პროექტის ფარგლებში გვქონდა ერთ-ერთი მორიგი გასვლითი ღონისძიება, მოვიარეთ გუგუტიაანთკარი და დიცი, შევხვდით ადგილობრივებს და სპეციალურად ამ პროექტის ფარგლებში შექმნილი კითხვარის საშუალებით გამოვკითხეთ მოსახლეობა. იყო ძალიან ემოციური შეხვედრა. ამ პროექტში ჩართულები არიან ჩვენი სტუდენტები, ძალიან ემოციური იყო მათთვის მავთულხლართების ნახვა, რაც ჩვენ ამ სოფლებში დაგხვდა", - ამბობს ნინო მინდიაშვილი. 

პროექტის ფარგლებში მომდევნო აქტივობა სოფელ ერგნეთის მოსახლეობასთან შეხვედრა იქნება.

Read 1017 times Last modified on პარასკევი, 25 იანვარი 2019 22:17