გორის პოლიციამ ძარცვის ბრალდებით 28 წლის მამაკაცი დააკავა

იანვარი 29 2019 font size decrease font size increase font size
Rate this item
(0 votes)

"შინაგან საქმეთა სამინისტროს შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1990 წელს დაბადებული დ.ქ., ძარცვის ბრალდებით, გორში დააკავეს", - ინფორმაციას ამის შესახებ შსს ავრცელებს. ჩადენილი დანაშაული 4-დან 6 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა გორში, დ. გურამიშვილის ქუჩაზე, 1978 წელს დაბადებულ ქ.დ.-ს საფულე და მობილური ტელეფონი გასტაცა, რის შემდეგაც შემთხვევის ადგილიდან მიიმალა.

უწყების ცნობით, დაკავებული ჩადენილ დანაშაულს აღიარებს.

ნივთმტკიცებების ამოღების მიზნით ტარდება შესაბამისი საგამოძიებო მოქმედებები.

გამოძიება ძარცვის ფაქტზე, საქართველოს სსკ-ს 178-ე მუხლის მე-2 ნაწილის „ა“ ქვეპუნქტით მიმდინარეობს.

Read 511 times Last modified on Last modified on იანვარი 29 2019

ადგილი შენი რეკლამისთვის

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი