Back to Top
 

JPrize Web Geo

სამშაბათი, 05 თებერვალი 2019 12:41

მეუღლის ცემის ფაქტზე, გორის პოლიციამ 70 წლამდე მამაკაცი დააკავა

Rate this item
(0 votes)

ბრალდებულმა მეუღლეს, არასრულწლოვანი შვილის თანდასწრებით, სიტყვიერი და ფიზიკური შეურაცხყოფა მიაყენა, - ამ ინფორმაციას შინაგან საქმეთა სამინისტრო ავრცელებს. 

 

უწყების ცნობით, ოჯახური ძალადობის შემთხვევა გორის მუნიციპალიტეტის სოფელ კარალეთში მოხდა. 

"შინაგან საქმეთა სამინისტროს შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1951 წელს დაბადებული ნ.ა., ოჯახში ძალადობის ბრალდებით, გორის მუნიციპალიტეტის სოფელ კარალეთში დააკავეს. ჩადენილი დანაშაული 3 წლამდე ვადით თავისუფლების აღკვეთას ითვალისწინებს", - ნათქვამია უწყების მიერ გავრცელებულ ინფორმაციაში. 

შინაგან საქმეთა სამინისტროს ცნობით, გამოძიება ოჯახის ერთი წევრის მიერ არასრულწლოვნის თანდასწრებით ოჯახის სხვა წევრის მიმართ ჩადენილ ძალადობის ფაქტზე, საქართველოს სსკ-ს 126-ე პრიმა მუხლის მე-2 ნაწილის „ბ“ ქვეპუნქტით მიმდინარეობს.

Read 1549 times Last modified on სამშაბათი, 05 თებერვალი 2019 13:10