კახა ბურჯანაძე: გორის საკრებულოში მე - 8 ფრაქცია აღარ არსებობს

თებერვალი 19 2019 font size decrease font size increase font size
Rate this item
(0 votes)

"ევროპული საქართველოს" წევრმა კახა ბურჯანაძემ ფრაქციის დატოვების შესახებ გორის საკრებულოს მიმართა.

ბურჯანაძემ გადაწყვეტილება მას შემდეგ მიიღო, რაც "ევროპული საქართველოს" გორის ოფისის ხელმძღვანელმა, ზვიად საბანაძემ თანამდებობა დატოვა.

კახა ბურჯანაძე, ზვიად საბანაძე და ბადრი ნანეტაშვილი ფრაქციაში "ევროპული შენება" იყვნენ გაერთიანებული. სამწევრიან ფრაქციაში 2 - თანამდებობის პირი იყო.

დადგენილების თანახმად, საკრებულოს ფრაქციაში მინიმუმ 3 დეპუტატი უნდა იყოს გაერთიანებული. კახა ბურჯანაძის მიერ თანამდებობის დატოვება ფრაქციის ავტომატურად დაშლას ნიშნავს.

"ფრაქციის დატოვების შესახებ განცხადებით უკვე მივმართე კანცელარიას და დაკმაყოფილებულია კიდეც. ვთვლი, რომ ამდენი ფრაქციების არსებობით ბიუჯეტის ფული ფაქტიურად არაფერში იხარჯება. არც იმ ფრაქციის არსებობას მივიჩნევ საჭიროდ, რომელიც გასულ წელს შევქმენით. ამიტომ დავტოვე ფრაქცია და ავტომატურად დაიშალა ის. ვფიქრობ, ცოტა უხერხული უნდა იყოს პარტიიდან შესული ფრაქციაში ხელფასს იღებდე, შემდეგ ამ პარტიას ტოვებდე და ხელფასის აღებას ისევ აგრძელებდე", - აცხადებს კახა ბურჯანაძე.

Read 597 times

ადგილი შენი რეკლამისთვის

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი