Back to Top
 

JPrize Web Geo

სამშაბათი, 05 მარტი 2019 14:42

პარლამენტარის "იბოლია" გორის მერიის 1 112 215 ლარის ღირებულების ორ ტენდერში მონაწილეობს

Rate this item
(0 votes)

პარლამენტარის კომპანია გორის მერიის 1 112 215 ლარის ღირებულების ორ ტენდერში მონაწილეობს.

მიმდინარე წელს, პარლამენტარ იოსებ მაკრახიძის კომპანია “იბოლია“ გორის მუნიციპლაიტეტის ორ ტენდერში მონაწილეობს. აქედან ერთში, უკვე გამარჯვეულია და მასთან მერია 355 125 ლარიან ხელშეკრულებას აფორმებს. ამ თანხაში კომპანიამ, გორში, კახნიაშვილის ქუჩის სარეაბილიტაციო სამუშაოები უნდა შეასრულოს. ტენდერში გამარჯვებულმა შპს “იბოლიამ“ სამუშაოები ხელშეკრულების დადებიდან 3 დღეში უნდა დაიწყოს და ოთხ თვეში დაასრულოს. 

მეორე ტენდერთან დაკავშირებით, რომლის ღირებულება 757 090 ლარია, გორის მუნიციპალიტეტი შერჩევა-შეფასების პროცესშია. ამ შემთხვევაში, საქმე ეხება გორში, გორგასლის ქუჩის სარეაბილიტაციო სამუშაოებს.

ორივე ტენდერი დასრულებულია და ორივეგან შპს “იბოლია“ უკონკურენტო მონაწილეა. 

გორის მუნიციპალიტეტის მერია შპს “იბოლიასთან“ გასულ წლებშიც აქტიურად თანამშრომლობდა.

Read 1224 times Last modified on სამშაბათი, 05 მარტი 2019 15:39