Back to Top
ოთხშაბათი, 06 მარტი 2019 13:45

გელა კაპანაძე: გორის კულტურის სააგენტოში თანამშრომელთა რაოდენობა შემცირდება

Rate this item
(0 votes)

გორის მუნიციპალტეტის მერიის კულტურისა და ტურიზმის ხელშეწყობის სააგენტოში თანამშრომლებს 6 თვიან ხელშეკრულებებს გაუფორმებენ, - ამის შესახებ რადიო “მოზაიკას“ სააგენტოს ხელმძღვანელი, გელა კაპანაძე ესაუბრა.

მისი თქმით, იმ თანამშრომელთა რაოდენობა, რომლებსაც ხელშეკრულებები გაუგრძელდებათ, თვის ბოლოს იქნება ცნობილი.

“ჯერჯერობით, მარტო იმის თქმა შემიძლია, რომ ყველა თანამშრომელს არ გაუგრძელდება ხელშეკრულება. როგორც ადრე ვთქვი, სიტუაციის დეტალურად გაცნობის შემდეგ, გადაწყდება, ვისთან გაგრძელდება თანამშრომლობა. ამ სამსახურში მოსვლისთანავე დავაანონსე, რომ შტატების რაოდენობა გადაიხედებოდა. ამ შემთხვევაში, ერთ-თვიანი ხელშეკრულებების ნაცვლად 6 თვიანი კონტრაქტები გაუფორმდებათ“, - გვითხრა გელა კაპანაძემ.

Read 1050 times