ერთად ბულინგის წინააღმდეგ - გორელმა მოსწავლეებმა საგრანტო კონკურსში გაიმარჯვეს

მარტი 13 2019 font size decrease font size increase font size
Rate this item
(0 votes)

გორელმა ახალგაზრდებმა პროექტი დაწერეს, გრანტი მოიპოვეს და ახლა მის განხორციელებას იწყებენ.

"ხშირად ვიკრიბებით და სხვადასხვა საკითხებზე ვსაუბრობთ. პროექტიც ერთ-ერთი ასეთი შეკრებისას დავწერეთ", - გვიყვება ლევან ნადიბაიძე, რომელიც გამარჯვებული პროექტის "ერთად ბულინგის წინააღმდეგ" ხელმძღვანელია.

ლევანმა და მისმა 4-მა მეგობარმა მონაწილეობა "ევროპის ფონდის" მიერ გამოცახდებულ კონკურსში მიიღეს და დინანსებაც მოიპოვეს.

"ინტერნეტში ვნახე, რომ საგრანტო კონკურსი იყო გამოცხადებული. თემებიც იქვე იყო ჩამოთვლილი, რაზეც პროექტის დაწერა შეგვეძლო. გაგვიხარდა, რომ ერთ-ერთი თემა ბულინგი იყო და სწორედ ის ავირჩიეთ, რადგან მე და ჩემი მეგობრები ვხედავთ, რომ ეს პრობლემა ძალიან აქტიაულურია და რომ ბავშვთა უფლებები დაცული არ არის", - გვიყვება ლევანი.

მას და მის მეგობრებს "ევროპის ფონდმა" სამ-დღიანი აქტივობების განხორცეილების საშუალება მისცა, რომლებიც მიზნად ბულინგის შესახებ ახალგაზრდებისთვის ინფორმაციის მიწოდებას გულისხმობს.

პროექტის ფარგლებში, ახალგაზრდებს ბულინგის თემაზე ტრენინგი ჩაუტარდებათ. მეორე დღეს კი 11-დან 18-წლამდე მოსწავლეები ხატვისა და ესსეების კონკურსში მიიღებენ მონაწილეობას.

"მათ შეეძლებათ დახატონ ან დაწერონ ბულინგის თემაზე. ყველა ნამუშევრის პრეზენტაცია მესამე დღეს მოხდება და მათგან 2 საუკეთესო აირჩევა", - გვიხსნის ლევანი.

პროექტის მიხედვით, გამარჯვებული ნახატის და ესსეს ავტორი ერთ-ერთი წიგნის მაღაზიის სასაჩუქრე ვაუჩერს მიიღებს.

პროექტი, რომელიც გორელმა მოსწავლეებმა საკუთარი ინიციტივით დაწერეს, მარტის ბოლოს დაიწყება.

Read 1806 times Last modified on Last modified on მარტი 13 2019

ადგილი შენი რეკლამისთვის

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი