საბრძოლო მოქმედებების შედეგად დაღუპულთა 12 მეომრის ნეშტი ოჯახებს გადაეცემათ

მარტი 15 2019 font size decrease font size increase font size
Rate this item
(0 votes)

კონფლიქტის შედეგად უგზო-უკვლოდ დაკარგული 12 ქართველის იდენტიფიცირება მოხერხდა,  - ინფორმაციას ამის შესახებ „წითელი ჯვრის“ ორგანიზაცია ავრცელებს.

„კონფლიქტის დროს დაღუპულთა ცხედრებს ხვალ სამების საკათედრო ტაძარში გადაასვენებენ. გარდა 12 ქართველისა, ამ ეტაპზე, 1990-იანი წლების შეიარაღებული კონფლიქტისა და 2008 წლის აგვისტოს ომის შედეგადუგზო-უკვლოდ დაკარგული სულ 23 ადამიანის ნეშტია ამოცნობილი. ნეშტების ამოცნობა წითელი ჯვრის საერთაშორისო კომიტეტის ანთროპოლოგიური კვლევის შედეგად მოხერხდა“, - წერია ორგანიზაციის მიერ გავრცლებულ განცხადებაში. 

საკოორდინაციო მექანიზმის მანდატი 1992-1993 წლების შეიარაღებული კონფლიქტის შედეგად და მის შემდგომ პერიოდში უგზო-უკვლოდ დაკარგული 2 200-ზე მეტი პირის ბედის და ადგილსამყოფელის გარკვევას და მათი ოჯახის წევრების სათანადოდ ინფორმირებას ითვალისწინებს. მისი საქმიანობა მკაცრად განსაზღვრული, მხოლოდ ჰუმანიტარული ხასიათისაა. 

ორმხრივი მექანიზმის ფარგლებში, პირველი იდენტიფიცირება და გადმოსვენება 2013 წელს განხორციელდა. ამ დრომდე მექანიზმის ფარგლებში იდენტიფიცირებულია 163 პირი.

15 მარტს, 16:30 საათზე, 1990-იანი წლების კონფლიქტის შედეგად უგზო-უკვლოდ დაკარგული 12 იდენტიფიცირებული პირის ცხედარს ლევან სამხარაულის სახელობის ექსპერტიზის ეროვნული ბიუროდან სამების საკათედრო ტაძარში გადააასვენებენ. 19:00-ზე კი სამების საკათედრო ტაძარში სამოქალაქო პანაშვიდი დაიწყება, რომელსაც მინისტრთა კაბინეტი დაესწრება.

Read 555 times

ადგილი შენი რეკლამისთვის

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი