Back to Top
 

JPrize Web Geo

ხუთშაბათი, 25 აპრილი 2019 14:55

გორის მერიას 625 000 ლარიანი ხელშეკრულების გაფორმება უტენდეროდ სურს

Rate this item
(0 votes)

გორის მუნიციპალიტეტის მერია 625 000 ლარიანი ხელშეკრულების გაფორმებაზე სახელმწიფო შესყიდვების სააგენტოსგან თანხმობას ითხოვს.

ხელშეკრულებით, მაია ნიკოლეიშვილის კომპანიასთან (შპს რელექსპერტი)კონსტანტინე თავზარაშვილს გორის მუნიციპალიტეტის მერიის მიერ 2019 წელს დაგეგმილი 50 000 ლარზე მეტი ღირებულების  ინფრასტრუქტურული ობიექტების საპროექტო - სახარჯთაღრიცხვო დოკუმენტაციის ინსპექტირების ანგარიშის
(ექსპერტიზა) შედგენა და სამშენებლო სამუშაოებზე საზედამხედველო მომსახურების გაწევა სურს.

მომსახურება ხელშეკრულების გაფორმებიდან 2020 წლის 31 დეკემბრის ჩათვლით პერიოდს ითვალისწინებს. მიმწოდებელი უფლებამოსილია, შემსყიდველს წარუდგინოს წერილობითი თხოვნა წინასწარი ანგარიშსწორების თანხის (შემდგომში - ავანსი) გადახდის თაობაზე. 

გამარტივებული შესყიდვა კანონით იმ შემთხვევაში ხორციელდება, როდესაც შესყიდვის ღირებულება 5 000 ლარზე ნაკლებია. სხვა შემთხვევაში, შემსყიდველი ვალდებულია არგუმენტებით დაუსაბუთოს სახელმწიფო შესყიდვების სააგენტოს შესყიდვის გადაუდებელი აუცილებლობის შესახებ.

მერიას აღნიშნული განმარტებები ოფიციალურად, ჯერჯერობით არ გაუკეთებია.

Read 972 times Last modified on ხუთშაბათი, 25 აპრილი 2019 15:08