Back to Top
 

JPrize Web Geo

ორშაბათი, 26 თებერვალი 2018 16:53

ცხინვალმა არჩილ ტატუნაშვილის ცხედრის გადმოცემაზე უარი თქვა

Rate this item
(0 votes)

ერგნეთში ინციდენტების პრევენციის და მათზე რეაგირების მექანიზმის ჯგუფის არაგეგმური შეხვედრა დასრულდა. ცხინვალმა არჩილ ტატუნაშვილის ცხედრის გადმოცემაზე უარი თქვა. 

დე ფაქტო სამხრეთ ოსეთის წარმომადგენლებმა კომენტარი ქართულ მედიასთან არ გააკეთეს. სახელმწიფო უსაფრთხოების სამსახურის წარმომადგენელმა კახა ქემოკლიძემ კი აღნიშნა, რომ შეხვედრაზე დე-ფაქტო ცხინვალის წარმომადგენლები ცხინვალის იზოლატორში გარდაცვლილი არჩილ ტატუნაშვილის ცხედრის გადმოცემას არ დათანხმდნენ. 

კონკრეტულ შეთანხმებას ვერც დაკავებული მოქალაქეების გათავისუფლების შესახებ მიაღწიეს. ლევან ქუტაშვილი და იოსებ პავლიაშვილი ოკუპირებული ახალგორის ტერიტორიაზე რჩებიან. 

სუს-ის წარმომადგენლის, კახა ქემოკლიძის თქმით, დე ფაქტო ცხინვალის წარმომადგენლებთან ამ საკითხზე კომუნიკაცია დღის ბოლომდე კიდევ ექნებათ.

შეგახსენებთ, რომ დღევანდელი არაგეგმიური შეხვედრა სახელმწიფო უსაფრთხოების სამსახურის მოთხოვნით გაიმართა. 

Read 1577 times