არჩილ ტატუნაშვილის ცხედარს ოჯახს ხვალ გადასცემენ

მარტი 19 2018 font size decrease font size increase font size
Rate this item
(0 votes)

ოკუპირებულ ცხინვალში მოკლული არჩილ ტატუნაშვილის ცხედარს ოჯახს 20 მარტს გადასცემენ. ე.წ. სამხრეთ ოსეთის დე ფაქტო პრეზიდენტის პრესმდივანის განცხადებაზე დაყრდნობით, ინფორმაცია frontnews.eu გაავრცელა. 

სააგენტოს ცნობით, ტატუნაშვილის ცხედარს ქართულ მხარეს, სოფელ ერგნეთში, ე.წ. ნეიტრალურ ტერიტორიაზე გადასცემენ.

არჩილ ტატუნაშვილი ოკუპირებულ ახალგორში საქართველოს კიდევ ორ მოქალაქესთან - ლევან ქუტაშვილსა და იოსებ პავლიაშვილთან ერთად 22 თებერვალს დააკავეს.

23 თებერვალს დე ფაქტო ხელისუფლებამ გაავრცელა ინფორმაცია, რომ 35 წლის არჩილ ტატუნაშვილი კიბეზე დაგორების შედეგად მიღებული დაზიანებებით საავადმყოფოში გარდაიცვალა, მალევე კიდევ ერთი ინფორმაცია გაავრცელეს, რომლის თანახმად, გარდაცვალების მიზეზი გულის შეტევა გახდა.

ოკუპირებული რეგიონის დე ფაქტო ხელისუფლებამ ლევან ქუტაშვილი და იოსებ პავლიაშვილი იზოლატორიდან მალევე გაათავისუფლა, თუმცა ოკუპირებული ახალგორის დატოვების შესაძლებლობა მხოლოდ რამდენიმე დღის წინ მისცა.

Read 2457 times Last modified on Last modified on მარტი 19 2018

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი