Back to Top
სამშაბათი, 17 აპრილი 2018 15:26

საქართველოსთან ვაჭრობის სანაცვლოდ ე.წ. სამხრეთ ოსეთი „ოსების გენოციდის“ აღიარებას ითხოვს

Rate this item
(0 votes)

საქართველომ უნდა აიღოს პასუხისმგებლობა ოსების ეთნიკურ წმენდაზე და მიყენებული ზიანის ანაზღაურებაზე. მხოლოდ ამის შემდეგ იქნება შესაძლებელი საუბარი ეკონომიკური ურთიერთობებისათვის - ამის შესახებ ე.წ. სამხრეთ ოსეთის დე ფაქტო ეკონომიკის მინისტრმა, გენადი კოკოევმა განაცხადა.

ე.წ. მინისტრი საქართველოს პრემიერის, „ნაბიჯი უკეთესი მომავლისაკენ“ ინიციატივას გამოეხმაურა.

"საქართველომ უნდა აღიაროს  სამხრეთ ოსეთის დამოუკიდებლობა, უნდა აღიაროს ის ფაქტი, რომ ჩაიდინეს ეთნიკური წმენდა ოსების წინააღმდეგ. მხოლოდ ამის შემდეგ ვისაუბრებთ ურთიერთსასარგებლო ეკონომიკურ ურთიერთობებეზე. სახეზეა ოსების ეთნოწმენდა. ბევრი მათგანი ცოცხლად დაწვეს, ბევრი მათგანი დახვრიტეს. 1989 წელს საქართველოში 164 ათასი ოსი იყო. დღეს მხოლოდ 14 ათასია.

საქართველომ ასევე უნდა აანაზღაუროს ის მატერიალური ზიანი, რაც ჩვენ მოგვადგა სამი სამხედრო კამპანიის დროს“, - განაცხადა დე ფაქტო მინისტრმა

Read 2731 times Last modified on ხუთშაბათი, 19 აპრილი 2018 16:12