მონიტორინგი გამჭვირვალე თვითმმართველობისთვის

დეკემბერი 06 2019

გორის მუნიციპალიტეტის მერიამ წელს 4 მანქანა შეიძინა. აქედან 3 ერთეული RENAUTI მაღალი გამავლობის ავტომანქანაა, თითოეულის საბალანსო ღირებულება - 43680 ლარით განისაზღვრა.


2019 წელს ბიუჯეტიდან გამოყოფილი თანხით კიდევ ერთი ავტომანქანაა შეძენილი. FORD RANGERI პიკაპის საბალანსო ღირებულებამ-51527 ლარი შეადგინა.

წლევანდელისგან განსხვავებით მერიის მიერ გამოგზავნილ საჯარო ინფორმაციაში გასულ წელს ავტომანქანების შეძენის ფაქტები არ ფიქსირდება. რაც შეეხება წინა წლებს, VAZ-2131 მაღალი გამავლობის ავტომანქანა მერიას 2017 წელს გადაეცა, რომლის საბალანსო ღირებულება-12000 ლარითაა წარმოდგენილი.

2016 წელს კი გორის მუნიციპალიტეტმა 2 ერთეული MITSUBISHI L200 შეიძინა. თითოეულის საბალანსო ღირებულება - 38 000 ლარით განისაზღვრა.


მთლიანობაში გორის მერია 395 267 ლარის ღირებულების ავტომანქანებს ფლობს. აქედან 182 567 ლარი ამ მიმართულებით წელსაა დახარჯული.


დეკემბერი 05 2019

გორის მერია საახალწლოდ ფოიერვერკში, განათებებსა და ტკბილეულში 116 000 ლარამდე დახარჯავს.


გორის მუნიციპალიტეტის მერიამ საახალწლოდ 1 800 ბავშვისთვის ტკბილეულის დასარიგებლად 13 000 ლარი გაითვალისწინა. შესაბამისი ტენდერი კულტურისა და ტურიზმის განვითარების ხელშეწყობის სააგენტომ უკვე გამოაცხადა.

სააგენტოს ხელმძღვანელის თქმით, ტკბილეული ბავშვებს საახალწლო ღონისძიებაზე გადაეცემათ. მოსაწვებებს კი გორის მერია, პირველ რიგში, სოციალურად დაუცველ ბავშვებს დაურიგებს.

იმ შემთხვევაში, თუ ტენდერის დასრულების შემდეგ გათვალისწინებული თანხა არ შეიცვალა, თითოეული სასაჩუქრე პაკეტში, გორის მერია დაახლოებით 7 ლარს გადაიხდის. პაკეტში 5 სახეობის ტკბილეული შევა.

რაც შეეხება, საახალწლო ფოიერვერკს, პიროტექნიკის შესაძენად კულტურისა და ტურიზმის განვითარების ხელშეწყობის სამსახურმა 3000 ლარი გადაიხადა. სააგენტომ ხელშეკრულება ინდ.მეწარმე ნატალია გერმანიშვილს გაუფორმა.

ამავე თემაზე: გორის ბიუჯეტიდან საახალწლო ფოიერვერკისთვის 3000 ლარი დაიხარჯება

გორის მერიამ საახალწლო მორთულობების შესაძენად წელს, 2018 წელთან შედარებით 70 000 ლარით მეტი დახარჯა. როგორც მერიაში ამბობენ, წელს ცენტრალურის გარდა, ის ქუჩებიც მოირთვება, სადაც წინა წლებში ვერ ხერხდებოდა.

ამავე თემაზე: გორში საახალწლო სამზადისი დაიწყო

ამავე თემაზე: მანათობელი დიოდური ვარსკვლავი, ირმებიანი მარხილი და "ლოლო" - საახალწლო განათებები გორში

 

 

პუბლიკაცია მომზადდა ევროპის ფონდის მხარდაჭერით, შვედეთის საერთაშორისო განვითარებისა და თანამშრომლობის სააგენტოს დაფინანსებით. მის შინაარსზე პასუხისმგებელნი არიან ავტორები. პუბლიკაციაში გამოთქმული ყველა მოსაზრება, შესაძლოა, არ ემთხვეოდეს ევროპის ფონდისა და შვედეთის საერთაშორისო განვითარებისა და თანამშრომლობის სააგენტოს ოფიციალურ პოზიციებს.


დეკემბერი 02 2019

გორის მუნიციპალიტეტის საკრებულოს სივრცითი-ტერიტორიული დაგეგმარების და ინფრასტრუქტურის კომისიამ ფრაქციის “ძლიერი გორი“ ერთ-ერთი წევრის ბექა ქორჩილავას ინიციატივას მხარი არ დაუჭირა.


დეკემბერი 02 2019

გორის მუნიციპალიტეტის მერია ოთხ სოფელში გარე გამოყენების ტრენაჟორებს მოაწყობს. შესაბამისი სამუშაოებისთვის ყველა სოფელში ტრენაჟორების მოსაწყობად ტენდერი ცალცალკე გამოცხადდა.


ნოემბერი 29 2019

გორის მუნიციპალიტეტის 2019 წლის ბიუჯეტის მე-3 კვარტლის შესრულების მიხედვით, სათამაშო ბიზნესიდან მოსაკრებელმა 218 700 ლარი შეადგინა.


ნოემბერი 28 2019

ალეკო ელისაშვილი გორის აგრარულ ბაზარში დილის 11 საათზე მივიდა. მხარდამჭერებთან ერთად, სავაჭრო ცენტრში ის პლაკატებით გამოჩნდა, რომლებზეც გორელი მაჟორიტარების ფოტოები იყო გამოსახული.


ნოემბერი 27 2019

სახელმწიფო აუდიტის დასკვნას გორის მუნიციპალიტეტის მერიის მუშაობის შესახებ, საზოგადოების სხვადასხვა სფეროს წარმომადგენლები გამოეხმაურნენ. მათი აზრით, აღნიშნულ დასკვნაში მერიის მუშაობის შესახებ არაერთი დარღვევა იკვეთება, რის გამოც კონკრეტული  პირების პოლიტიკური პასუხისმგებლობის გარდა, სამართლებრივი პასუხისმგებლობის საკითხიც უნდა დადგეს.


ნოემბერი 27 2019

აუდიტის მიერ გამოვლენილი ხარვეზების ნაწილი გორის მაჟორიტარი დეპუტატის სახელს უკავშირება - საბოლოო ანგარიშის მიხედვით, იოსებ მაკრახიძის და ხელისუფლების თანამშრომლობით ბიუჯეტს ზარალი მიადგა.


ნოემბერი 25 2019

შიდა ქართლის გუბერნიამ მიმდინარე წლის 10 თვეში 56 342 ლარი დახარჯა. ამ თანხით უწყებამ 25 696 ლიტრი საწვავი შეიძინა.


ნოემბერი 22 2019

 სოფელ ტინისხიდში შშმ პირების შენობის რეაბილიტაციისთვის, პოლონეთმა გრანტის სახით 2017 წლის 31 ივლისს 68 354 ევრო გამოყო , თუმცა გორის მუნიციპალიტეტის მიერ პროექტი არ განხორციელდა. ამის შესახებ სახელმწიფო აუდიტის ანგარიშშია ნათქვამი. 


გვერდი 1 სულ 15

გაიხსენე ისტორია

გორის სათემო რადიო "მოზაიკას" პარტნიორი

studia-re

გორის სათემო რადიო "მოზაიკას" პარტნიორი

ნიმდი