აფხაზეთის ომში დაკარგული 20 წლის სტუდენტი - ცოტა რამ ზაზა სირბილაძეზე
აფხაზეთის ომში უგზო - უკვლოდ დაკარგული ზაზა სირბილაძე, 1972 წლის 29 სექტემბერს თბილისში დაიბადა, თუმცა გორის მუნიციპალიტეტის სოფელ თორტიზაში იზრდებოდა, აქვე მიიღო საშუალო განათლებაც.
1991 წელს სწავლა სავაჭრო-ეკონომიკურ უნივერსიტეტში განაგრძო. აფხაზეთის შეიარაღებული კონფლიქტის დროს, ჯერ კიდევ სტუდენტმა, 20 წლის ასაკში გადაწყვიტა ომში წასულიყო. 1992 წელს, გაგრის დაცემისას უგზო-უკვლოდ დაიკარგა. ზაზას ოჯახს მის შესახებ ამ დრომდე არაფერი სმენია. მისი გაუჩინარებიდან 25 წლის შემდეგ, სოფელ თორტიზაში, ქუჩას სადაც ზაზა ცხოვრობდა, გორის მუნიციპალიტეტის საკრებულოს გადაწყვეტილებით, მისი სახელი მიენიჭა.
ზაზა სირბილაძე ვახტანგ გორგასლის I ხარისხის ორდენით დაჯილდოვდა.
1992-93 წლებში აფხაზეთის შეიარაღებულ კონფლიქტთან დაკავშირებით უგზო-უკვლოდ დაკარგული 325 ადამიანის ნეშტია მოძიებული, რომელთაგან 148 ამოცნობილია, დანარჩენი ნეშტების ამოცნობის პროცესი კვლავ მიმდინარეობს.
Latest from რადიო მოზაიკა
- გორის დემოკრატიის სკოლაში სასწავლო კურსი მე-7 ნაკადმა დაასრულა
- გორის მერია ფხვენისში სასაფლაოს შემოღობვას ჩქარობს
- ივანე მაჩაბლის გაუჩინარებიდან 121-ე წლისთავს ღონისძიებებით აღნიშნავენ
- 54 300 ლარი ერთ წელში გორის სასამართლოდან - რა ქონებას ფლობს ნინო შარაძე
- ერგნეთში რუსმა, ოსმა და ქართველმა წარმომადგენლებმა დაკარგულ ადამიანებზე იმსჯელეს
