ახალი ამბები

გორში, სამხედრო ჰოსპიტალში ჯარისკაცების ვაქცინაცია მიმდინარეობს

გორში, სამხედრო ჰოსპიტალში პირველი ქვეითი ბრიგადის სამხედრო მოსამსახურეები იცრებიან.

იმუნიზაციის პროცესი სინოფარმის და სინოვაკის დოზებით მიმდინარეობს. ასტრაზენეკას შემდეგ ფაიზერის ვაქცინაზე რეგისტრაცია დღეს დაიწყება. ვაქცინაციის პროცესში ჩართულია 3 სპეციალურად გადამზადებული ბრიგადა, რომელსაც ჰოსპიტალში კიდევ ერთი ბრიგადა დაემატება.

გორის სამხედრო ჰოსპიტალს დღეში 300-მდე მოქალაქის აცრა შეუძლია. ამ დროისთვის თავდაცვის ძალების 17%-ია ვაქცინირებული.

“ვაქცინაციის აუცილებლობასთან დაკავშირებით სამხედრო მოსამსახურეები ინფორმირებულები არიან. აღნიშნული ვაქცინაციის ჩატარება თანმიმდევრულად ხდება როგორც სამხედრო მოსამსახურეებზე, ისე მათი ოჯახის წევრებზე”, – აღნიშნა პირველი ბრიგადის მეთაურის მოადგილემ, ირაკლი კალანდაძემ.

ინფორმაციისთვის, ქვეყნის მასშტაბით 317 537 ადამიანია აცრილი.

დატოვეთ კომენტარი
ტეგები

ავტორის შესახებ

"მოზაიკას" რედაქცია

გორის სათემო რადიო "მოზაიკამ" მედია საქმიანობა დაიწყო 2018 წლის 1-ელ იანვარს.