ახალი ამბები

„გორმედში” 250-მდე კოვიდინფიცირებულს მკურნალობენ – მათგან აცრილი არცერთია

„გორმედის” ქსელში ამჟამად, 250-მდე კორონავირუსით ინფიცირებული პაციენტი მკურნალობს. კლინიკური დირექტორის ხათუნა შრუბის განმარტებით, ჯამში სტაციონარში 3 011 ინფიცირებული მკურნალობდა, მათგან აცრილი მხოლოდ 2 მათგანი იყო.

,,პანდემიის დაწყებიდან დღემდე, ,,გორმედის” ქსელმა მთლიანობაში მართა 29 000-ზე მეტი კოვიდინფიცირებული პაციენტი, მათგან 3 011 პირი – სტაციონარში. სტაციონარული პაციენტებიდან სულ ორი შემთხვევა გვქონდა, რომ კლინიკაში მოხვდა ვაქცინირებული პირი. ორივე მათგანის მდგომარეობა იყო მსუბუქი მიმდინარეობით, იმართა შესაბამისი პროტოკოლით და ორივემ გამოჯანმრთელებულმა დატოვა კლინიკა. ამ ეტაპზე, ქსელის სამ კოვიდკლინიკაში – გორში, ქარელსა და ხაშურში სტაციონარული მკურნალობა უტარდება 250-მდე კოვიდინფიცირებულ პაციენტს, მათგან ვაქცინირებული არცერთი არ არის” , – აცხადებს ხათუნა შრუბი.

მისივე ცნობით, კლინიკებში ამჟამად მოთავსებული პაციენტების უმრავლესობა საშუალო სიმძიმის ან მძიმეა. 15 მათგანის მდგომარეობა კრიტიკულია.

დატოვეთ კომენტარი

ავტორის შესახებ

გიორგი დვალიშვილი

გიორგი დვალიშვილი არის გორის სათემო რადიო "მოზაიკას" ჟურნალისტი 2019 წლიდან.