ახალი ამბები

მამუკა ფანიაშვილის ძმას ტრანსპორტის სააგენტოში ხელშეკრულება აღარ გაუგრძელეს

გორში პარტიის “საქართველოსთვის” პროპორციული სიის მეორე ნომრის მამუკა ფანიაშვილის ძმას, რომელიც ტრანსპორტის სააგენტოში ფინანსური მენეჯერის პოზიციას იკავებდა, ხელშეკრულება აღარ გაუგრძელეს.

ამის შესახებ, ინფორმაცია არასამთავრობო ორგანიზაცია “სამართლიანი არჩევნების” ანგარიშში მოხვდა.

“დაწესებულებაში დასაქმებული 150-მდე ადამიანიდან ფანიაშვილის გარდახელშეკრულების ვადა ყველას გაუგრძელდა. იგი გადაწყვეტილებას ძმის, მამუკა ფანიაშვილის პოლიტიკურ საქმიანობას უკავშირებს. ფანიაშვილის ძმა მუნიციპალიტეტის საკრებულოს წევრი იყო „ქართული ოცნებიდან“, თუმცა, პარტია საჯაროდ დატოვა და გახარიას გუნდს შეუერთდა” , – აღნიშნულია ანგარიშში.

როგორც ცნობილია, კახა ფანიაშვილის ინტერესებს „სამართლიანი არჩევნები“ იცავს.

დატოვეთ კომენტარი

ავტორის შესახებ

გიორგი დვალიშვილი

გიორგი დვალიშვილი არის გორის სათემო რადიო "მოზაიკას" ჟურნალისტი 2019 წლიდან.